سعر ومواصفات Infinix Smart 10 - مميزات وعيوب

مراجعة هاتف Infinix Smart 10: هل يستحق الشراء؟

يا جدعان، النهاردة هنتكلم عن تجربتي مع هاتف إنفينيكس سمارت 10، إنفينيكس دي شركة معروفة بتقدم هواتف بمواصفات كويسة بسعر ممتاز، وده اللي خلانى متحمس أجرب الـ Smart 10. بصراحة، من أول ما شفت تصميمه، أعجبنى شكله الأنيق و رقيق، وده حاجة مهمة أوي بالنسبالي. الموبايل ده يعتبر من الهواتف الاقتصادية، يعني مش هتلاقى فيه مواصفات خيالية، بس هو يقدم أداء كويس جداً مقابل سعره، بالذات لو كنت بتدور على موبايل أساسي يخدمك في حاجاتك اليومية من اتصال وواتساب وفيسبوك و شويه صور، فـ الـ Infinix Smart 10 ممكن يكون اختيار ممتاز. أول ما مسكت الجهاز، حسيت إنه خفيف وسهل الاستخدام، وده كان مفاجأة حلوة، لإنى توقعت يكون ثقيل شوية. المهم، خلينا ندخل في التفاصيل أكتر.

مواصفات هاتف Infinix Smart 10 :-

• الشاشة: IPS LCD بحجم 6.67 بوصة بدقة HD+، ومعدل تحديث 120 هرتز، بصراحة الشاشة حلوة وواضحة.
• المعالج: Unisoc T7250 ثماني النواة، أداؤه مقبول جداً في الاستخدامات العادية، بس متتوقعش منه معجزات في الألعاب الثقيلة.
• الذاكرة العشوائية (الرام): 3/4 جيجابايت، الكلام ده كافي للاستخدام اليومي، بس لو بتفتح تطبيقات كتير ممكن يحصل تهنيج بسيط.
• مساحة التخزين: 64/128/256 جيجابايت، مع إمكانية زيادة المساحة عن طريق كارت ميموري، الحاجة دي مهمة جداً.
• الكاميرات: خلفية 8 ميجابكسل، وأمامية 8 ميجابكسل، توقعت الكاميرا تكون أقوى من كده بصراحة، الصور كويسة في ضوء النهار، لكن في الإضاءة الضعيفة بتكون مش واضحة قوي.
• البطارية: 5000 ملي أمبير، دي نقطة قوة كبيرة في الموبايل، البطارية بتكفي يوم كامل من الاستخدام العادي، وده ممتاز جداً.
• نظام التشغيل: Android 15 مع واجهة XOS 15.1، الواجهة سهلة الاستخدام.
• الأبعاد والوزن: 165.6x77x8.3 ملم، 187 جرام، خفيف وسهل الحمل.

عيوب موبايل Infinix Smart 10:-

• كاميرا غير قوية في الإضاءة المنخفضة.
• أداء المعالج متوسط، ممكن يحصل تهنيج مع التطبيقات الثقيلة.
• شحن بطيء نوعاً ما.
• لا يدعم 5G.
• جودة المواد المستخدمة في التصنيع متواضعة نوعا ما.

مميزات Infinix Smart 10:-

• بطارية قوية جداً تدوم طويلاً.
• شاشة كبيرة وواضحة.
• سعر ممتاز جداً مقارنةً بمواصفاته.
• خفيف وسهل الحمل.
• يدعم شريحتين اتصال.
• تصميم أنيق.

فتح علبة هاتف Infinix Smart 10:-

لما فتحت علبة انفنكس سمارت 10، لقيت جواها الموبايل نفسه، وشاحن، وسماعات، وكمان دليل المستخدم. الحاجات دي كلها كانت مرتبة كويس، بصراحة أعجبني التغليف.

الأسئلة الشائعة

س: هل هاتف Infinix Smart 10 مناسب للألعاب؟
ج: لا، أداؤه في الألعاب الثقيلة متوسط، ممكن يحصل تهنيج.

س: هل يدعم الهاتف الشحن السريع؟
ج: لا، شحن 15 واط فقط.

س: ما هو سعر هاتف Infinix Smart 10 في مصر؟
ج: حوالي 4600 جنيه مصري تقريباً.

س: هل كاميرا Infinix Smart 10 جيدة؟
ج: كاميرا مقبولة في ضوء النهار، لكنها ليست الأفضل في الإضاءة المنخفضة.

س: هل Infinix Smart 10 مقاوم للماء؟
ج: مقاوم لقطرات الماء والغبار بدرجة IP64.

رأي نهائي

في النهاية، هاتف Infinix Smart 10 موبايل كويس جداً لسعره، لو محتاج موبايل أساسي ويخدمك في الاستخدامات اليومية، فهو اختيار ممتاز. بس لو كنت بتدور على موبايل قوي للألعاب أو تصوير احترافي، يبقى لازم تبحث عن خيارات تانية. بصراحة، أنا راضى عن تجربتي معاه.